Did you play with a bogey cart when you were a child? Some called it a push cart, bogey or guider and local slang in Blantyre was also “An Oracle”. What did you call them? How did you make them? Where did you get the parts?
Here’s a poem by Lon McIlwraith about that very subject.
Park Crescent gate, High Blantyre Park
The first wee hill that made its mark
On George’s bike, doon it I blew
Skint baith ma knees when aff I flew!
Then Larkfield Drive, the last steep end
A speedy slope, a wee tight bend
Skelpin’ doon in bogey races
Skiddin’ sideways like true aces
Brave boys we were on Kirkton hill
Oor wee plank skateboards needed skill
The lamp-posts passed at demon speed
Hit wan of them and you’d be deid!
On Calderwood, in winter’s snaw
The grassy slope, aw white and braw
Wis tackled on a hame-made sledge
And ended heid-first in a hedge!
White Gates Hill, och aye, nae bother
Doon we raced towards the Cauther
Things didnae end up very guid
A pile-up at the cattle grid!
Sydes Brae wis next, a piece of cake
Or so we thought, oor bikes’ good brakes
Wid keep us safe and in control
But then ma front wheel hit a hole!
The biggest dare though, bar them aw
Flee doon Pech Brae, nae brakes at aw
Baith sides a blur, the slipstream sting
Survive that trip, ye’d be a king!
Sledges, skateboards, bikes and bogies
Cuts and bruises, scars and stookies
Fae boys tae lads we passed the trials
High Blantyre Hills we did in style!
On social media: