With thanks to Jimmy Whelan for sending his this cracking wee “tongue in cheek” poem in February 2016.
THE WEE TYRE FLY
I wish I was a fly oan the wa’
In every Blantyre pub
Tae listen tae the shite that’s talked
Fae everybody’s gub
I wish I was a fly oan the wa’
In the priest’s confessional box
Tae listen tae the “sins” that’s telt
An’ haud ma ears in shock
I wish I was a fly oan the wa’
In every Blantyre boudoir
Tae listen tae the tales of passion
Naw a cannae go that far
I wish I was a fly oan the wa’
In the doctors waiting room
Tae listen tae the fictitious ailments
That’s gaun aroon oor toon
For this wee fly he’ll be content
Wae aw’ that shite aboot
For he’ll be feasting like a king
Forever that’s nae doot.
J.J. Whelan
